Mumbai School Reopening : मुंबईतील शाळा १५ डिसेंबरपासून सुरू होणार
पुढारी ऑनलाईन डेस्क
कोरोनाचा प्रादुर्भाव कमी झाल्याने राज्यातील प्राथमिक शाळा १ डिसेंबरपासून सुरू करण्याचा निर्णय राज्य सरकारने घेतला आहे. मात्र मुंबई शहरातील शाळा १५ डिसेंबरपासून सुरू केल्या जाणार आहेत. मुंबई महापालिका शिक्षण अधिकाऱ्यांनी शाळा सुरू करण्याबाबतचा प्रस्ताव महापालिका आयुक्तांकडे पाठवला होता. त्या प्रस्तावावर झालेल्या चर्चेनुसार मुंबई महापालिका अंतर्गत येणाऱ्या शाळा १५ डिसेंबरपासून सुरू कराव्यात, असा निर्णय घेण्यात आला. (Mumbai School Reopening)
एक डिसेंबरपासून शाळा सुरू करण्यासाठी शाळांची आवश्यक ती तयारी झाली नसल्याची माहिती शिक्षकांनी दिली होती. शाळा सुरू करण्याबाबत कालपर्यंत कोणताही निर्णय झाला नसल्याने शिक्षक आणि पालकांमध्ये संभ्रम तयार झाला होता.
शाळा सुरू करण्याचे सरकारचे आदेश आल्यानंतर शिक्षण विभागाने सर्व शाळांसाठी मार्गदर्शक सूचना प्रसिद्ध करून त्याचे काटेकोर पालन करण्यासाठी बंधनकारक केले आहे. (Mumbai School Reopening)
शिक्षण विभागाच्या मार्गदर्शक सूचना कोणत्या आहेत
- दोन विद्यार्थ्यांमध्ये किमान सहा फूट अंतर ठेवावे लागणार
- शाळेतील प्रत्येकाने मास्क घालणे बंधनकारक
- शिक्षक व इतर कर्मचाऱ्यांचे लसीकरण पूर्ण असणे बंधनकारक
- शाळेच्या आवारात गर्दी होणार नाही याची दक्षता घ्यावी
- वारंवार हात धुणे तसेच शाळेची स्वच्छता ठेवावी लागणार
- मुले किंवा शिक्षक आजारी असल्यास त्यांनाशाळेत प्रवेश देवू नये
- क्वारंटाईन विद्यार्थ्यांना ऑनलाईन शिक्षणाची सोय उपलब्ध करावी
- शाळांचे वेळोवेळी सॅनिटायझेशन करणे बंधनकारक
- विद्यार्थी संख्या जास्त असल्यास पंधरा ते वीस विद्यार्थीच एका वर्गात बसतील.
- शाळा सुरू करताना विद्यार्थ्यांना टप्प्याटप्प्याने शाळेत बोलवणे
- मुले शाळेत येण्यासाठी पालकांच्या संमती आवश्यक
हे ही वाचा
- पुणे विभागात घरकुलांना जागा शोधण्यासाठी ‘टास्क फोर्स’
- Nagpur Crime Murder : विरोधकांच्या टोळीशी हातमिळवणीचा संशय, नागपुरात कुख्यात गुंडाकडून मेकॅनिकची हत्या
- Dilip Walse Patil : परमबीर आणि वाझेंच्या बंद दाराआड भेटीची चौकशी सुरु, कारवाई होणार
- early morning swearing : ‘पहाटेच्या शपथविधी’वर आजही पश्चात्ताप : देवेंद्र फडणवीस