Rohit Pawar : महाशिवरात्रीदिवशी 'बिर्याणी हाऊस'ची पाेस्‍ट..! रोहित पवार का झाले ट्रोल?

By:Sonali Jadhav Published on: March 9, 2024, 12:34 PM

पुढारी ऑनलाईन डेस्क : शरद पवार गटाचे आमदार रोहित पवार यांच्या बारामती Agro या कंपनीने खरेदी केलेल्या कन्नड सहकारी साखर कारखान्याची मालमत्ता ईडीने शुक्रवारी (दि.८) जप्त केली. दरम्यान त्यांनी “परंतु मी महादेवाचा भक्त आहे. अन्यायाविरोधात जनता जनार्दनरुपी महादेव तिसरा डोळा उघडेल तेंव्हा अनेकांच थयथयाट झाल्याशिवाय राहणार नाही.” असं म्हणतं सरकारवर निशाणा साधला आहे. त्यानंतर त्यांना सोशल मीडियातून ट्रोल केले जात आहे. जाणून घ्या काय आहे कारण. (Rohit Pawar)

‘बिर्याणी हाऊस’ला सदिच्छा भेट आणि ट्रोल….

आमदार रोहित पवार यांनी त्यांच्या मतदारसंघातील कुळधरण (ता-कर्जत) येथील नव्याने सुरु झालेल्या बिर्याणी हाऊस’ला सदिच्छा भेट दिली हाेती. यावेळी कार्यकर्त्यांसोबत तेथील जेवणाचा आस्वाद घेतला. याची पाेस्‍ट त्‍यांनी ८ मार्च, महाशिवरात्री दिनी केली. मात्र त्‍यांनी बिर्याणी हाऊस’ला सदिच्छा भेट केव्‍हा दिला याचा उल्‍लेख त्‍यांच्‍या पाेस्‍टमध्‍ये नाही. मात्र या पाेस्‍टमुळे ते प्रचंड ट्राेल झाले. तसेच याच दिवशी शिखर बँक घोटाळ्याप्रकरणी त्यांच्या बारामती Agro या कंपनीने खरेदी केलेल्या कन्नड सहकारी साखर कारखान्याची मालमत्ता ईडीने जप्त केली आहे. कारवाई नंतर रोहीत पवार यांनी ट्विट करत म्हटलं आहे की, “माझ्या कंपनीवर ED ने केलेल्या कारवाईचं ट्विट वाचलं आणि विचार आला आता भाजपामध्ये जायला पाहिजे का? पण भाजपाने लक्षात ठेवावं, झुकणारे आणि रडणारे गेले आता फक्त लढणारे शिल्लक आहेत आणि आम्ही अखेरपर्यंत लढू आणि जिंकू! माझ्यासारख्या स्वाभिमानी मराठी माणसाला गुडघ्यावर आणण्याची स्वप्न बघणाऱ्यांनी केवळ स्वप्नच बघावीत! या कारवाईवरुन आचारसंहिता येत्या दोन-तीन दिवसांतच लागेल, हेही दिसतंय.

ही कारवाई पूर्णतः बेकायदा असून याविरोधात न्यायालयात दाद मागितली जाईल, त्यामुळं कर्मचाऱ्यांनी कोणतीही काळजी करु नये. पण प्रश्न इतकाच आहे की, अशी कारवाई केवळ माझ्याविरोधातच का? पण सत्तेचा गैरवापर करणाऱ्यांना आज तरी असा प्रश्न विचारण्यात काही अर्थ नाही! वाढदिवसाच्या दिवशीही अशाच एका एजन्सीने कारवाई केली आणि आज महाशिवरात्रीच्या दिवशी दुसरी कारवाई.. परंतु मी महादेवाचा भक्त आहे. अन्यायाविरोधात जनता जनार्दनरुपी महादेव तिसरा डोळा उघडेल तेंव्हा अनेकांच थयथयाट झाल्याशिवाय राहणार नाही.”

सोशल मीडियावर राेहित पवार प्रचंड ट्रोल

दोन्ही घटनांवरुन त्यांना सोशल मीडियावर ट्रोल केले जात आहे. ईडीची कारवाई झाल्यानंतर एकीकडे महादेव भक्त बनला अहात दुसरीकडे महाशिवरात्रीला बिर्याणी हाऊस ओपनिंग आणि तिथेच जेवण? असा सवाल एका सोशल मीडिया युजरने विचारला आहे. तसेच काही युजर्संनी अत्‍यंत बाेचरी टीकाही त्‍यांच्‍यावर केली आहे.

माझ्या मतदारसंघातील कुळधरण (ता-कर्जत) येथील सोमनाथ सुपेकर यांच्या कात्रज (पुणे) येथे नव्याने सुरु झालेल्या ‘स्वाद बिर्याणी हाऊस’ला सदिच्छा भेट दिली. यावेळी कार्यकर्त्यांसोबत तेथील जेवणाचीही टेस्ट घेतली. pic.twitter.com/fdVDcevRXv

— Rohit Pawar (@RRPSpeaks) March 8, 2024

संबंधित बातम्या

Solapur News : सोलापूर मार्गावरील रेल्वेगाड्या चार ते पाच तासांनी उशिरा
Published on: May 9, 2024, 8:57 PM

पंतप्रधान मोदींसह राहुल गांधींना खुल्या चर्चेचे निमंत्रण
Published on: May 9, 2024, 8:28 PM

माझ्या कंपनीवर ED ने केलेल्या कारवाईचं ट्विट वाचलं आणि विचार आला आता भाजपामध्ये जायला पाहिजे का?😂

पण भाजपाने लक्षात ठेवावं…. झुकणारे आणि रडणारे गेले आता फक्त लढणारे शिल्लक आहेत आणि आम्ही अखेरपर्यंत लढू आणि जिंकू!
माझ्यासारख्या स्वाभिमानी मराठी माणसाला गुडघ्यावर आणण्याची स्वप्न…

— Rohit Pawar (@RRPSpeaks) March 8, 2024

हेही वाचा