Ambadas Danve : मुख्यमंत्र्यांनी ‘त्या’ वक्तव्याचा खुलासा करावा : विरोधी पक्षनेते अंबादास दानवे यांची मागणी

मुंबई; पुढारी वृत्तसेवा : मुख्यमंत्र्यांनी अर्थसंकल्पीय अधिवेशनाच्या पूर्वसंध्येला आयोजित पत्रकार परिषदेत विरोधकांचा देशद्रोही असा उल्लेख केला. त्यावर विधानपरिषदेचे विरोधी पक्षनेते अंबादास दानवे यांनी आक्रमक भूमिका घेत मुख्यमंत्र्यांनी आपल्या वक्तव्याचा खुलासा करावा, अशी मागणी केली आहे.

विरोधकांवर टीका करताना देशद्रोही म्हणणे चुकीचे आहे, असे दानवे यांनी म्हटले. विरोधी पक्षाचा कोणता सदस्य देशद्रोही आहे? कोणता देशद्रोहाचा गुन्हा दाखल केला गेला आहे? असा सवाल विधानपरिषदेचे विरोधी पक्षनेते अंबादास दानवे यांनी आज (दि. २७) विधान परिषदेत उपस्थित केला.

विधान परिषदेतील कोणत्या सदस्यावर देशद्रोहाचा गुन्हा दाखल आहे? याबाबत मुख्यमंत्र्यांनी खुलासा करावा, अशी मागणी आज सभापती यांच्याकडे विरोधी पक्षनेते अंबादास दानवे यांनी केली आहे.

हेही वाचा

• मनीष सिसोदिया यांच्या अटकेविरोधात आम आदमी पक्षाकडून देशभरात निदर्शने
• शिवसेना जात्यात असून इतर पक्ष भाजपाच्या सुपात आहेत : अनंत गीते
• मुंबई : विरोधकांच्या मागे तपास यंत्रणांचा ससेमिरा लावणं हा सत्‍ताधाऱ्यांचा खेळ : आदित्‍य ठाकरे