थंडी वाढणार; राज्याला भरणार पुन्हा हुडहुडी
पुढारी ऑनलाईन: पुढचे काही दिवस राज्यातील अनेक जिल्ह्यातील किमान तापमानात घट होणार आहे. त्यामुळे राज्याला पुन्हा हुडहुडी भरणार असल्याचा इशारा हवामान विभागाने दिला आहे.
हवामान विभागाने दिलेल्या माहितीनुसार, राज्यातील मध्य महाराष्ट्र, मराठवाडा आणि विदर्भाच्या काही भागातील किमान तापमानात घट होण्याची शक्यता आहे. याचा सर्वाधिक प्रभाव उत्तर विदर्भ व उत्तर-मध्य महाराष्ट्रातील काही भागात जाणवणार आहे. त्यामुळे १३ ते १४ फेब्रुवारी दरम्यान राज्यातील थंडी पुन्हा वाढणार आहे.
10 Feb: राज्यातील हिवाळ्यातील आणखी एक लहान स्पेल:
IMD GFS मॉडेल मार्गदर्शनानुसार, 13-14 फेब्रुवारी, मध्य महाराष्ट्र, मराठवाडा आणि विदर्भाच्या काही भागांसह राज्यात किमान तापमानात घट होण्याची शक्यता आहे.
उत्तर विदर्भ व उत्तर मध्य महाराष्ट्र काही भागात त्याचा प्रभाव जास्त असेल. pic.twitter.com/WFiVxKo5PN
— K S Hosalikar (@Hosalikar_KS) February 10, 2023
हवामान विभागाने दिलेल्या माहितीनुसार आज राज्यातील अनेक भागात 15 अंश सेल्सिअसपेक्षा किमान तापमानाची नोंद झाली आहे. यामध्ये सातारा 14.4 °C, औरंगाबाद 10.2 °C, नांदेड 15.2 °C, नाशिक 12.5 मराठवाडा 15.2 °C, उदगीर 15.8 °C, जळगाव 10 °C, परभणी 13.6 °C, बारामती 12.6 °C आणि उस्मानाबादमध्ये 14.6 °C इतक्या किमान तापमानाची नोंद करण्यात आली आहे.