पुढारी ऑनलाईन डेस्क : "प्राण्यांना मोर्चात नेता येणार नाही अशी अट महाराष्ट्र पोलिसांनी आम्हाला घातल्याने आम्ही प्राण्यांना दुसरा मोर्चा काढायला सांगितला आहे." असं खोचक ट्विट करत राष्ट्रवादी काँग्रेसचे आमदार अमोल मिटकरी (Amol Mitkari) यांनी भाजपवर निशाणा साधला आहे.
गेल्या काही महिन्यांपासून महाराष्ट्रातील राजकारणात बरीच स्थित्यांतर आली. अलिकडे महाराष्ट्रातील वातावरण चांगलचं तापलं आहे. भाजपकडून महापुरुषांचा होणारा अवमान, सीमाप्रश्नी कर्नाटक सरकारची चिथावणीखोर भूमिका, महाराष्ट्रातील उद्योग दुसऱ्या राज्यात जाणे आणि लोकशाहीचे रक्षण आदी मुद्द्यांवर आज मुंबईत महामोर्चा निघणार आहे. महाराष्ट्राच्या अस्मितेसाठी हा मोर्चा काढला जात असून त्याने सामान्य नागरिकांनी मोठ्या संख्येने सहभागी व्हावे, असे आवाहन महाविकास आघाडीच्या नेत्यांनी केले आहे. मुंबईत भायखळा ते आझाद मैदान (क्रुडास कंपनी ते टाईम्स ऑफ इंडिया इमारत) असा महामोर्चाचा मार्ग असणार आहे. सत्तांतरानंतरचा विरोधकांचा हा पहिलाच एकत्रित मोर्चा असेल. तर भाजपकडूनही 'माफी मांगो आंदोलन' केलं जाणार आहे. शुक्रवारी पोलिसांनी काही अटी, शर्तीसह या मोर्चाला परवानगी दिली आहे.
महाविकास आघाडीने शिनवारी आयोजित केलेल्या महामोर्चाला अखेर मुंबई पोलिसांनी परवानगी दिली आहे. मात्र परवानगी देताना पोलिसांनी १४ अटी घातल्या आहेत. त्या अशा-
महाविकास आघाडीन मुंबईत हल्लाबोल मोर्चाचं तर दुसरीकडे या महामोर्चाला उत्तर देण्यासाठी भाजपही माफी मांगो आंदोलन करणार आहे. तर मुंबई पोलिसांनी महामोर्चाला अटी घालत परवानगी दिली आहे. यात असलेली अट मोर्चामध्ये प्राण्यांचा वापर करण्यात येऊ नये. या अटीच्या पार्श्वभूमीवर राष्ट्रवादी काँग्रेसचे आमदार अमोल मिटकरी यांनी खोचक ट्विट करत भाजपला टोला मारला आहे. त्यांनी ट्विटमध्ये म्हंटल आहे, "प्राण्यांना मोर्चात नेता येणार नाही अशी अट महाराष्ट्र पोलिसांनी आम्हाला घातल्याने आम्ही प्राण्यांना दुसरा मोर्चा काढायला सांगितला आहे."
हेही वाचा
