Monsoon updates Live : मुंबईसह राज्यात धुवाॅंधार, विदर्भातील १३० गावांचा संपर्क तुटला
Monsoon updates Live :
भारतीय हवामान खात्याकडून (IMD) राज्यात पालघर, रायगड, रत्नाजगरी, नाजिक, पुणे, कोल्हापूर, गडजिरोली या जिल्ह्यांना पुढील 3 दिवस म्हणजे दिनांक १६ जुलै २०२२ पर्यंत अतिवृष्टीचा इशारा देण्यात आला आहे.
मुंबईत पुढचे तीन ते चार तास मुसळधार पावसाची शक्यता हवामान खात्याने वर्तवली आहे. सकाळपासून पाऊस सुरु आहे.
गडचिरोली : पर्लकोटा नदीला पूर; १०० हून अधिक गावांचा संपर्क तुटला
भामरागड नजीकच्या पर्लकोटा नदीला पूर आल्याने भामरागड-आलापल्ली मार्ग बंद झाला आहे. पुलावरुन तीन फूट पाणी वाहू लागल्याने परिसरातील शंभरहून अधिक गावांचा संपर्क तुटला आहे.
सिरोंच्या तालुक्यातील गोदावरी व प्राणहिता नदीमधील वाढलेल्या पाणी पातळीमुळे अनेक गावांमध्ये पूरस्थिती निर्माण झाली आहे. संभाव्य धोका लक्षात घेता तालुक्यातील १२ गावांमधील नागरिकांना घरे रिकामी करण्याचे आवाहन प्रशासनाकडून करण्यात आले आहे. यामध्ये सिरोंचा रै (छोटा बाजार), सूर्यरापल्ली (सिरोंचा माल), मंडलापूर, मद्दिकुंठा, जानमपल्ली वे. लँ., मृदुक्रिष्णापुर, आयपेठा रै, सोमनूर माल अंशतः, नडिकूडा, कोत्तूर रै, असरअल्ली, अंकिसा कंबाल पेठा टोला या गावांचा समावेश आहे.
वसई वाघरालपाडा येथे दरड कोसळली, दोन जण ढिगाऱ्याखाली सापडल्याची भीती
वसई : वसई पूर्व राजावली भगत असलेल्या वाघराल पाडा येथे दरड कोसळली असून कोसळलेल्या ढिगाऱ्याखाली चार जण दबले गेले. त्यातील दोघांना बाहेर काढण्यात यश आले असून त्यांच्यावर उपचार सुरू आहेत. तर दोन जणांना ढिगाऱ्याबाहेर काढण्यासाठी शर्थीचे प्रयत्न शीघ्र कृतीदल करत आहे.
१३ जूलै २०२२ रोजी सकाळी ७ वाजेपर्यंत
राजाराम बंधारा पाणी पातळी ३५ फूट २ इंच
पंचगंगा नदी इशारा पातळी ३९ फूट
पंचगंगा नदी धोका पातळी ४३ फूट
एकुण पाण्याखालील बंधारे ५४
पूरपरिस्थिती उदभवल्यास नागरिकांनी पूर पाहण्यासाठी बाहेर पडू नये, प्रशासनास सहकार्य करावे
पालक सचिव प्रवीण दराडे यांचे नागरिकांना आवाहन@MahaDGIPR @drsskharat @CollectorKolha1 pic.twitter.com/FJv27AfUMB— DIVISIONAL INFORMATION OFFICE, KOLHAPUR (@InfoDivKolhapur) July 6, 2022
पूर नियंत्रणासाठी पाटबंधारे विभागाचे काटेकोर नियोजन
कार्यकारी अभियंता रोहित बांदिवडेकर यांची माहिती@MahaDGIPR @drsskharat pic.twitter.com/QdHiPuUeNQ— DIVISIONAL INFORMATION OFFICE, KOLHAPUR (@InfoDivKolhapur) July 12, 2022
हेही वाचलंत का?