देवेंद्र फडणवीस म्‍हणाले, “बदल्यांचा महाघोटाळा दाबून ठेवण्याचं काम ठाकरे सरकार करतंय”

दाेन तासांच्या पोलीस चौकशीनंतर देवेंद्र फडणवीस यांनी माध्यमांशी संवाद साधला. ते म्‍हणाले, "मी जबाबदार नेत्यासारखा वागलो. पेन ड्राईव्हमधील माहिती बाहेर पसरवली नाही. मी स्वतः पोलीस ठाण्यात जाणार होतो. मला कितीही अडकविण्याचे प्रयत्न केले तरीही मी गप्प बसणार नाही. गुप्त अहवाल मलिकांनी पत्रकारांना कसा दिला? गृहमंत्र्यांनी काहीही सांगितलं तरी मला माझे अधिकारी मला माहीत आहेत. राज्य सरकारचे मनसुबे काहीत पूर्ण होणार नाहीत. आमचे घोटाळे, भ्रष्टाचार बाहेर काढून नयेत, यासाठी असे बनाव केले जात आहेत", असंही फडणवीस यांनी सांगितले.

• पोलीस बदली लीक प्रकरण : देवेंद्र फडणवीसांची 'सागर' बंगल्यावर २ तास चौकशी

"राज्य सरकारचे आणखी घोटाळे बाहेर नयेत, त्यामुळे अधिकाऱ्यांकडून दबावाचं काम केलं जात आहेत. पोलिसांनी मला पुन्हा येईन, असं अजूनतरी सांगितलेलं नाही. अधिकाऱ्यांवरही दबाव टाकला जात आहे. स्टिंग ऑपरेशनसंदर्भात आम्ही उच्च न्यायालयात जाणार आहोत", असेही देवेंद्र फडणवीस यांनी  स्‍पष्‍ट केले.

हेही वाचलं का?

• आदित्य ठाकरे म्हणतात, फडणवीसांची चौकशी राजकीय सुडबुद्धीने नाही
• कमाल आहे ! कायद्यापुढे सगळे समान, तर मग तमाशा कशासाठी ? संजय राऊतांचा भाजपला टोला
• पेटीएमचे संस्थापक विजय शर्मा यांना अटक व जामिनावर सूटका ! मागच्या महिन्यातील प्रकार