Maharashtra Budget : महाराष्ट्र एक ट्रिलीयन डॉलर्सची अर्थव्यवस्था असलेलं देशातलं पहिलं राज्य ठरेल : अजित पवार
पुढारी ऑनलाईन डेस्क : महाविकास आघाडी सरकारकडून राज्याचा अर्थसंकल्प आज (दि. ११) सादर करण्यात आला. या सरकारचा तिसरा अर्थसंकल्प (Maharashtra Budget) असून राज्याचे अर्थमंत्री अजित पवार विधानसभेत अर्थसंकल्प वाचून दाखवला. तत्पूर्वी अर्थमंत्री पवार यांनी विधिमंडळ परिसरातील छत्रपती शिवाजी महाराजांच्या पुतळ्याचे दर्शन घेऊन त्यांना अभिवादन केले. त्यानंतर सभागृहात अर्थसंकल्पाचे वाचन करताना सुरुवातीलाच त्यांनी स्वराज्यरक्षक संभाजी महाराज यांच्या स्मृतिदिनानिमित्त तुळापूर येथे छत्रपती संभाजी महाराजांचे स्मारक स्थापन करण्यासाठी राज्य सरकारकडून २५० कोटींचा निधी देण्यात येत असल्याची घोषणा केली.
अर्थमंत्री अजित पवार यांच्या महत्त्वाच्या घोषणा…
- ओबीसींच्या राजकीय आरक्षणासाठी नव्या आयोगाची स्थापना
- ऊर्जा खात्यासाठी ९ हजार ६७ कोटींच्या निधीची तरतूद
- राज्यामध्ये अडीच हजार सौर ऊर्जेचे प्रकल्प उभारणार
- राज्यात राबवण्यात येणाऱ्या विकासाची पंचसूत्री या कार्यक्रमासाठी ४ लाख कोटींची तरतूद करण्यात आली आहे. या कार्यक्रमानंतर राज्यातली गुंतवणूक वाढेल आणि एक ट्रिलीयन डॉलर्सची अर्थव्यवस्था असलेले महाराष्ट्र हे देशातले पहिले राज्य ठरेल.
- करोनामुळे विधवा झालेल्या महिलांसाठी पंडिता रमाबाई महिला उद्योजक योजनेची घोषणा, या महिलांना स्वयंरोजगरासाठी भांडवल उपलब्ध करून देणार असल्याची माहिती अजित पवारांनी दिली आहे.
- प्रत्येक जिल्हा रुग्णालयात टेलिमेडिसिन केंद्र उभारणार, नाशिक नागपूर मध्ये वैद्यकीय शिक्षण संस्था उभारणार. तसंच पुणे शहराजवळ ३०० एकर जागेवर इंद्रायणी मेडिसिटी उभारणार असल्याची घोषणा अजित पवार यांनी केली आहे.
- मुंबई महानगर क्षेत्राला जलमार्गाने जोडण्याचा उद्देश
- झोपडपट्टी विकास योजनेसाठी १०० कोटींचा निधी
- मुंबई ते हैद्राबाद बुलेट ट्रेनचा प्रस्ताव
- गडचिरोलीमध्ये नवीन विमानतळ
- गडचिरोली येथे नवीन विमानतळाचा प्रस्ताव ठेवण्यात आला आहे.
- राज्यामध्ये विद्युत वाहनांची संख्या वाढवण्याचे प्रस्तावित आहे. २०२५ पर्यंत ५००० चार्जिंग स्टेशन्स उभारण्यात येणार
- शिर्डी विमानतळासाठी १५०० कोटींचा निधी
- रत्नागिरी विमानतळासाठी १०० कोटींची निधी
- ग्रामविकास विभागासाठी ७,७१८ कोटींच्या निधीची तरतूद
- नगरविकास विभागाला ८,८४१ कोटींच्या निधीची तरतूद
- क्रीडा विभागासाठी ३५४ कोटींच्या निधीची तरतूद