दिशा सालियान प्रकरणी राणे पिता- पुत्र मालवाणी पोलिस ठाण्यात हजर

मुंबई; पुढारी ऑनलाईन : मालवाणी पोलीस ठाण्यात केंद्रीय मंत्री नारायण राणे आणित्यांचे पुत्र निलेश राणे हे आज चौकशीसाठी हजर झाले. दिशा सालियान हिच्या मृत्यूबाबत चुकीचे विधान करत बदनामी केल्याप्रकरणी केंद्रीय मंत्री नारायण राणे आणि त्यांचे पुत्र आमदार नितेश राणे यांना समन्स बजावण्यात आले होते.

राणे पिता पुत्राच्या प्रतीक्षेत मालवाणीमध्ये पोलीस आणि भाजप कार्यकर्ते मोठ्या संख्येने उपस्थित होते. यावेळी मालवाणी पोलीस ठाण्यात नारायण राणे आणि निलेश राणे दाखल झाल्यावर भाजप कार्यकर्ते आणि राणे समर्थकांनी घोषणाबाजी केली यावेळी पोलिसांची कार्यकर्त्यांची शाब्दिक चकमक झाली.

• Russia vs Ukraine : रशियन सैन्यांकडून बेछूट गोळीबार, २ दिवस अन्न पाण्याविना, बंकरमध्ये अडकलेल्या भारतीय विद्यार्थ्यांची मदतीसाठी आर्त हाक

अभिनेता सुशांत सिंह राजपूतची माजी मॅनेजर दिशा सालियनच्या मृत्यूबाबत चुकीचे विधान करत बदनामी केल्याप्रकरणी केंद्रीय मंत्री नारायण राणे आणि त्यांचे पुत्र आमदार नितेश राणे यांना समन्स बजावण्यात आले होते.

या प्रकरणी त्यांना मालवाणी पोलीस स्टेशनमध्ये चौकशीसाठी हजर राहण्यास सांगितले होते. राणे पिता पुत्रांनी न्यायालयात आज (दि. ०५) तारखेपर्यंत मुदत वाढवून देण्याची मागणी करत ते चौकशीला हजर राहिले नव्हते.

• Shane Warne : शेन वॉर्नच्‍या अकाली निधनावर… विराट म्‍हणाला, "आयुष्‍य हे खूप अस्‍थिर आणि अनपेक्षित"

दिशा सालियान हिची आई वासंती (५२) यांच्या तक्रारीवरून पोलिसांनी गुन्हा नोंदवला आहे. याच गुन्ह्यात चौकशीसाठी दोघांनाही समन्स बजावण्यात आले आहे. आज ५ मार्च दुपारी १ वाजता हजर राहणार असल्याचे सांगितले होते. दाखल गुन्ह्याविरुध्द ते न्यायालयात जाण्याच्या तयारीत आहेत.

• No To War : ऑन-एयर शो मध्ये रशियातील टीव्ही चॅनेलच्या सर्व कर्मचाऱ्यांनी दिला राजीनामा