मुंबई, पुढारी ऑनलाईन : "भाजपचे साडेतीन नेते जेलमध्ये जाणार", असं वक्तव्य करून राजकीय वर्तुळात चर्चेला उधाण आणणारे शिवसेना खासदार संजय राऊत यांनी मंगळवारी शिवसेना भवनमध्ये घेतलेल्या पत्रकार परिषदेत अनेक खुलासे केले. आणखी काही खुलासे येत्या काही दिवसांत होतील, असंही त्यांनी सांगितलं होतं. त्यानुसार त्यांनी आज सकाळी आपल्या अधिकृत ट्विटर हॅंडलवरून संकेतात्मक ट्विट केलं आहे. ते म्हणाले आहेत की, "बाप बेटे जेलमध्ये जाणार! वेट अ‍ॅंड वाॅच! कोठडीचे सॅनिटायझेशन सुरू आहे…", त्यांच्या या ट्विटमुळे चर्चेला पुन्हा सुरूवात झाली आहे.
