केज (बीड) ; पुढारी वृत्तसेवा : केज तालुक्यातील नांदूरघाट येथील हंगेवाडीच्या पारधी वस्तीवर झालेल्या वृद्ध महिलेचा खून प्रकरणातील आरोपी राजू उर्फ टूल्ल्या बन्सी काळे याला तीन दिवसांची पोलीस कोठडी देण्यात आली आहे.
या बाबतची माहिती अशी की, दि. २१ जानेवारी रोजी केज तालुक्यातील नांदूरघाट येथील हंगेवाडीच्या पारधी वस्तीवर सखुबाई बन्सी शिंदे या वृद्ध महिलेचा खून झाला. तिचा भाचा राजू उर्फ टूल्या काळे याने दारू गांजाच्या नशेसाठी तिने पैसे न दिल्यामुळे तिचा गळा आवळून व डोक्यात दगड मारून खून केला होता.
त्याला पोलीसांनी अहमदनगर जिल्ह्यातील खर्डा येथून ताब्यात घेतले. मारेकरी राजू उर्फ टूल्ल्या बन्सी काळे याला पोलीसांनी न्यायालयात हजर केले असता त्याला तीन दिवसांची पोलीस कोठडी सुनावण्यात आली आहे.
