परभणी: ॲट्रॉसिटी गुन्ह्यातील सावरगाव येथील ४ जण निर्दोष

मानवत; पुढारी वृत्तसेवा : तालुक्यातील सावरगाव येथील ४ जणांवर क्षुल्लक कारणावरून जातीवाचक शिवीगाळ केल्याप्रकरणी ॲट्रॉसिटीचा गुन्हा दाखल करण्यात आला होता. दरम्यान, या ४ जणांची सबळ पुराव्याअभावी जिल्हा व सत्र न्यायालयाने आज (दि.१५) निर्दोष मुक्तता केली.

याबाबत अधिक माहिती अशी की, ३ सप्टेंबर २०२१ रोजी सावरगाव (ता.मानवत) येथील फिर्यादी छाया कचरुबा वाघमारे यांनी उत्तम आश्रुबा टरफले व त्यांच्या तीन मुलांविरुद्ध घरासमोरील शेळीचे पिल्ले का हुसकावतोस म्हणून जातिवाचक शिवीगाळ केल्याप्रकरणी पोलीस स्टेशन मानवत येथे कलम २९४ भादवी व ॲट्रॉसिटी प्रतिबंधक कायदा अन्वये फिर्याद दिली होती.

त्यानंतर सदर प्रकरणाचा तपास अतिरिक्त एसपी अविनाश कुमार यांनी करून दोषारोपपत्र परभणी येथील जिल्हा व सत्र न्यायालयात दाखल केले होते. सदर प्रकरणात जिल्हा व सत्र न्यायालय परभणी यांनी एकूण सहा साक्षीदार तपासले त्यानंतर सुनावणी झाली. त्यानंतर सबळ पुराव्याअभावी उत्तम अश्रोबा टरफले, संदीप उत्तम टरपले, योगेश उत्तम टरफले व अरुण उत्तम टरफले यांची निर्दोष मुक्तता केली. या प्रकरणात संशयित आरोपीतर्फे मानवत येथील अॅड. व्ही. आर. चौधरी यांनी काम पाहिले. त्यांना अॅड. हरिदास जाधव यांनी सहकार्य केले.

हेही वाचा 

• परभणी : दोन वेगवेगळ्या कारवाईत गुटख्यासह ७ लाख ३७ हजारांचा मुद्देमाल जप्त
• परभणी : कौसडी येथील विस्तार अधिकाऱ्याच्या भ्रष्टाचाराच्या चौकशीसाठी सीईओ, बीडीओंना निवेदन
• परभणी: १६०० रूपयांची लाच घेताना महावितरणचे २ कर्मचारी 'लाचलुचपत'च्या जाळ्यात