Externed Accused Returns; Police Arrest Him
मानवत पुढारी वृत्तसेवा
अनेक गुन्ह्यात कुख्यात आरोपी असलेला व उपविभागीय अधिकारी यांनी जिल्हा हद्दपारीचे आदेश काढलेले असतांना देखील मानवत शहरात वावरणाऱ्या एकास गुरुवारी ता 23 येथील पोलिसांच्या पथकाने दुपारी पावणेपाच वाजण्याच्या सुमारास पकडून अटक केली.
रणसिंग कन्हैया सिंग टाक (वय 35) राहणार पाथरी नाका मानवत असे पकडलेल्या आरोपीचे नाव असून उपविभागीय अधिकाऱ्यांनी त्याला एक वर्षाकरिता परभणी जिल्ह्यातून हद्दपार केले होते.
हद्दपार केलेला आरोपी शहरात परत वावरत असल्याच्या माहितीवरून छत्रपती शिवाजी महाराज पुतळा परिसरात त्याला पोलिसाच्या पथकाने अटक केली.
या प्रकरणी मानवत पोलीस स्टेशनचे पोलीस उपनिरीक्षक संदीप बोरकर यांच्या मार्गदर्शनाखाली पोलिस हेड काॅन्स्टेबल नारायण सोळंके तपास करीत आहेत.
