वाई बाजार : पुढारी वृत्तसेवा
नव-याला जीवे मारण्याची धमकी देवून विवाहितेवर अत्याचार केल्याची खळबजनक घटना ता. १ जुलै रोजी घडल्याचे उघडकीस आले आहे. या प्रकरणी सिंदखेड पोलीस स्टेशनमध्ये गुन्हा दाखल झाल्यानंतर संशयीत आरोपीस अटक करण्यात आली आहे.
माहूर तालुक्यातील सिंदखेड पोलीस ठाण्यात एका (३३ वर्षीय) विवाहितेने सिंदखेड पोलीस ठाण्यात याविषयी तक्रार दिली. यामध्ये तीने दिलेल्या जबाबाप्रमाणे दि. १ जुलै २०२४ रोजी रस्त्याने जात असताना संशयीत आरोपीने तिच्या नव-याला जीवे मारण्याची धमकी दिली. तद्नंतर त्या महिलेला संशयीत आरोपीने त्याच्या रस्त्यालगत असलेल्या जुन्या घरी नेवून अत्याचार केल्याची फिर्याद सदर पीडित विवाहीतेने सिंदखेड पोलीस ठाण्यात दिली आहे.
दरम्यान विवाहितेच्या तक्रारीवरून सिंदखेड पोलीस ठाण्यात पवन लक्ष्मण गायकवाड (वय २६) ता. माहूर याच्यावर गुन्हा दाखल करण्यात आला आहे. या प्रकरणी संशयीत आरोपीला पोलीसांनी ताब्यात घेतले असून प्रकरणाचा तपास सिंदखेड पोलीस ठाण्याचे सहायक पोलीस निरिक्षक आर.बी. जाधवर हे करीत आहेत. विशेष म्हणजे १ जुलैपासून लागू करण्यात आलेल्या भारतीय न्यायसंहितेच्या कायद्यानुसार सिंदखेड पोलीस ठाण्यातील हा पहिलाच गुन्हा आहे.
