लातूर : मंगळवारी खुनाची घटना ताजी असतानाच लातूर शहरात बुधवारी (दि.९) रात्री आठच्या सुमारास एका तरूणाचा धारदार शस्त्राने खून करण्यात आला. पैगंबर हाजीमलंग सय्यद (वय 28) असे या तरुणाचे नाव आहे.
ही घटना गंजगोलाई परिसरात असलेल्या लोखंड गल्लीतील एका दुकानाजवळ घडली. खुनाचे नेमके कारण अजून स्पष्ट झाले नसून पोलीस तपास करत आहेत दरम्यान त्या तरूणाचा मृतदेह उत्तरीय तपासणीसाठी शासकीय रुग्णालयात आणण्यात आला. त्यावेळी रुग्णालय परिसरात नातेवाईकांनी मोठी गर्दी केली होती. 24 तासात खूनाची ही दुसरी घटना असल्याने लातूर शहर हादरले आहे.