Two accused remanded in judicial custody for murder of seven-year-old boy
चाकूर, पुढारी वृत्तसेवा
शहरातील सात वर्षीय बालकाच्या खून प्रकरणात आज शुक्रवारी दोन्हीही संशयित आरोपींना न्यायालयात हजर केले असता त्यांना न्यायालयीन कोठडी दिली आहे.
चाकुरात देवांश मंगेश स्वामी या सात वर्षीय बालकाचा चुलती अनिता स्वामी हिने खून केला आहे. पोलीस तपासाअंती येथील संजय स्वामी याने त्या खूनात मदत केली असल्याचे निष्पन्न झाल्यावरून त्यालाही पोलिसांनी अटक केली होती.
या प्रकरणी पोलीस अधिक तपास करत होते. हा खून एकट्या अनिताने केला नसावा तिला कोणीतरी मदत केली असावी असा अंदाज पोलिसाचा होता. त्यानुसार तपासाची चक्रे अधिक गतिमान करत यातील दुसरा आरोपी शोधण्यात यश मिळवले.
संजय काशिनाथ स्वामी (वय ३४ वर्षे) यास ताब्यात घेऊन विचारपूस केली असता संजयने अनिताला मदत करत खून केला हे सिद्ध झाले आहे. या प्रकरणात अनिता स्वामी आणि संजय स्वामी यांना न्यायाल्याने २४ एप्रिल पर्यंत पोलीस कोठडी दिली होती. कोठडी संपताच आज पोलिसांनी न्यायालयात हजर केले असता अनिता व संजय या दोघांनाही न्यायालयीन कोठडी सुनावण्यात आली आहे.
