जालना : माजी खासदार अमर साबळे यांनी वंचित बहूजन आघाडीचे सर्वेसर्वा प्रकाश आंबेडकर यांच्याविरोधात केलेल्या वादग्रस्त वक्तव्याच्या निषेधार्थ वंचित बहुजन आघाडीच्या कार्यकर्त्यांनी सोमवारी दि. 9 रोजी अंबड चौफुली येथे आंदोलन केले.
यावेळी वंचित बहूजन आघाडीच्या उपस्थित पदाधिकारी, कार्यकर्त्यांनी जोरदार घोषणाबाजी करत साबळे यांच्या प्रतिमेची प्रतीकात्मक होळी करून निषेध नोंदवण्यात आला. एप्स्टीन फाईलच्या संदर्भात मुंबईत ॲड. बाळासाहेब आंबेडकर यांनी केलेल्या आंदोलनावर साबळे यांनी टीका केल्याने राज्यभर कार्यकर्त्यांमध्ये संताप व्यक्त होत आहे.
ॲड. बाळासाहेब आंबेडकरांनी 2 मार्च रोजी मुंबई येथे मुद्रा मोदी से मुजरा मोदी आंदोलन करत प्रश्न उपस्थित केले होते. मोदींना विचारलेल्या प्रश्नामुळे अमर साबळे यांनी बाळासाहेब आंबेडकर यांच्याविरोधात बेताल वक्तव्य केले. याचा निषेध सोमवार रोजी नोंदवण्यात आला.
यावेळी वंचित बहूजन आघाडीचे मराठवाडा अध्यक्ष दीपक डोके, अकबर इनामदार, राजेंद्र खारत, भानुदास साळवे, रमाबाई होरशील, सुरज सोनवणे, संजय आदमाने, विलास नरवडे, सुशीला गायकवाड, लिलाताई काकडे, अमोल लोखंडे, सत्यपाल गायकवाड, बुध्दाजी भोसले, कपिल सूर्यनारायण, शत्रूधन कोळी, दिलीप मगर, दत्ता आदमाने, पांडुरंग मगर आदी उपस्थित हेोते.
