टेंभुर्णी, पुढारी वृत्तसेवाः वरुड बु. - जाफ्राबाद रस्त्यावरील सोनखेडा फाट्याजवळ टिप्पर व मोटार सायकलचा भीषण अपघात झाला. या अपघातात एक तरुण ठार झाला. तर दोन तरुण गंभीर जखमी झाले. जखमींना जालना येथे रूग्णालयात दाखल केले आहे. ही घटना आज (दि.१) दुपारी घडली. अपघातात अरबाज सत्तार पठाण याचा मृत्यू झाला. तर पंकज दिलीप बदर, आदिनाथ मनोहर जाधव (वय २३, सर्वजण रा. सोनाटी, ता. मेहकर, जि. बुलढाणा) हे दोघे गंभीर जखमी झाले. (Jalna accident)
याबाबत अधिक माहिती अशी की, तीन तरूण जाफराबाद येथील महाविद्यालयाकडे जात होते. यावेळी सोनखेडा फाट्यावर अज्ञात वाहनाने त्यांच्या दुचाकीला जोराची धडक दिली. यात अरबाज सत्तार पठाण याचा मृत्यू झाला. तर दोघे जण गंभीर जखमी झाले. त्यांना जालना येथील खासगी रूग्णालयात दाखल केले आहे. स्थानिक नागरिकांनी जाफराबाद पोलिसांना माहिती दिली. पोलीस निरीक्षक प्रताप इंगळे घटनास्थळी दाखल झाले.
