Sorghum has gone up in price in the market committee
जालना, पुढारी वृत्तसेवा : कृषी उत्पन्न बाजार समिती, जालना येथे बुधवारी (दि. २७) विविध शेतीमालाची मोठ्या प्रमाणात आवक झाली असून ज्वारीला सर्वाधिक ५ हजार १५१ रुपयांचा कमाल दर मिळाला. बाजार समितीत एकूण ९ हजार ७९२ क्विंटल शेतीमालाची आवक नोंदविण्यात आली.
बाजार समितीच्या दैनिक अहवालानुसार, गव्हाची २ हजार ७७क्विंटल आवक झाली असून त्याला प्रतिक्विंटल २ हजार १०० ते २ हजार ४७५ रुपये दर मिळाला. ज्वारीची २ हजार २८९ क्विंटल आवक झाली असून सरासरी ३ हजार २०० रुपये भाव मिळाला. हिरव्या बाजरीला सरा सरी २ हजार ३०० रुपये दर मिळाला.
तूर बाजारातही तेजी कायम असून पांढऱ्या तुरीला ७ हजार ९१९ रुपये, तर लाल तुरीला ७ हजार ९२५ रुपयांचा कमाल दर मिळाला. हरभऱ्याला ५ हजार ७५० रुपये, तर उडदाला ७ हजार ४६१ रुपये भाव मिळाल्याने शेतकऱ्यांना दिलासा मिळाला आहे.
सोयाबीनची १ हजार २७ क्विंटल आवक झाली असून त्याला सरासरी ७हजार ५० रुपये दर मिळाला. मक्याला २ हजार रुपयांपर्यंत, तर गुळाला ४ हजार ७७५ रुपयांपर्यंत भाव मिळाला. दिवसाभरातील एकूण व्यवहारांचे मूल्य तब्बल ३ कोटी ६९ लाख ३५ हजार ५२५ रुपये इतके नोंदविण्यात आले.
