Search for 107 Missing Women; 8 Girls Safe
जालना, पुढारी वृत्तसेवाः जालना पोलिसांनी राबवलेल्या 'ऑपरेशन शोध-३' मोहिमेत हरवलेल्या १०७महिलांचा शोध लावला असून ८ पीडित मुलींना विविध शहरांतून सुरक्षितपणे परत आणण्यात आले आहे. ही मोहीम ६ ते २२ मार्च २०२६ या कालावधीत मा. पोलिस महासंचालकांच्या आदेशानुसार राबविण्यात आली.
या विशेष मोहिमेदरम्यान २०२१ ते फेब्रुवारी २०२६ या कालावधीत हरवलेल्या सुमारे २०० महिलांपैकी तब्बल १०७ महिलांचा शोध घेण्यात पोलिसांना यश आले. तपास पथकांनी विविध जिल्हे व राज्यांत शोधमोहीम राबवत हरवलेल्या महिलांचा ठावठिकाणा लावला. तसेच विविध गुन्ह्यांमध्ये पीडित असलेल्या ८ मुलींना शोधून त्यांना सुरक्षितपणे त्यांच्या कुटुंबीयांच्या ताब्यात देण्यात आले.
या कारवाईसाठी स्थानिक गुन्हे शाखा, सायबर सेल तसेच विविध पोलिस ठाण्यांच्या पथकांनी समन्वयाने काम केले. तांत्रिक साधनांचा वापर,गोपनीय माहितीचे जाळे आणि सातत्यपूर्ण पाठपुरावा यामुळे ही मोहीम यशस्वी ठरली.
जालना या पोलिसांच्या कामगिरीमुळे हरवलेल्या व्यक्तींच्या शोधासाठी प्रशासनाची तत्परता अध-ोरेखित झाली आहे. नागरिकांच्या सुर-क्षेसाठी पोलिस दल सदैव कटिबद्ध असून अशा मोहिमा पुढेही राबविल्या जाणार असल्याचे पोलिस प्रशासनाने स्पष्ट केले.
