Police route march ahead of the Ganesh Utsav and Gauri Pujan festivals
भोकरदन, पुढारी वृत्तसेवाः गणेश उत्सव गौरीपूजन या पार्श्वभूमीवर शहरातील गणपती मिरवणूक मार्गावरून भोकरदन पोलिसांनी उपविभागीय पोलिस अधिकारी डॉक्टर नितीन कटेकर व ठाणे प्रमुख संतोष माने यांच्या नेतृत्वाखाली पथसंचलन केले. शुक्रवार, १८ सप्टेंबर रोजी पावने पाच ते सव्वा पाच या कालावधीमध्ये उपविभागीय पोलीस अधिकारी डॉ. नितीन कटेकर यांचे उपस्थितीत भोकरदन शहरांमध्ये मुख्य मिरवणूक मार्गाने हे पथसंचलन करण्यात आले.
या दरम्यान नागरिकांना शांततेचे आवाहन करण्यात आले आहे. हा उत्सव शांततेत साजरा करण्याबाबत तसेच डीजे मुक्त मिरवणुका काढण्यात याव्या याबाबत योग्य त्या सूचना करण्यात आल्या.
या पथसंचलनाला उपविभागीय पोलिस अधिकारी व त्यांचे कर्मचारी, पोलिस ठाणे भोकरदनचे ३ अधिकारी १८ अंमलदार, एस आर पी एफ १ प्लटून, २८ होमगार्ड हजर होते.
