मंठा ः मंठा पोलिसांकडून अवैध धंद्यांविरोधात धाडसत्र सुरू करण्यात आले आहे. शहरात दोन ठिकाणी कारवाई करत अवैध गुटखा व विदेशी दारू जप्त करण्यात आला आहे. या प्रकरणी तिघा जणांविरुद्ध गुन्हे दाखल करण्यात आले आहेत.
पोलिस सूत्रांकडून मिळालेल्या माहितीनुसार, प्रतिबंधित गुटखा अवैधरित्या मंठा चौफुलीवरील एका टपरीमध्ये चोरी छुप्या विक्रीसाठी साठवून ठेवण्यात आला होता. या प्रकरणी अहमदपूर येथील गौस अहमद कुरेशी यांच्याविरुद्ध गुन्हा दाखल करण्यात आला आहे. मंठा-ऊस्वद रोडवरील उमरखेडा येथे विनापरवाना विदेशी दारू बेकायदेशीररीत्या विक्रीसाठी ठेवण्यात आल्याचे आढळून आले.
या कारवाईत ऋषिकेश विष्णू वाघमारे व कृष्णा सुदाम बोराडे यांच्या ताब्यातून 81 हजार 200 रुपयांचा मुद्देमाल जप्त करण्यात आला आहे.या प्रकरणी दोन जणाविरुध्द गुन्हा दाखल करण्यात आला आहे.या प्रकरणाचा पुढील तपास पोलीस करत आहेत.
यांनी केली कारवाई
सदरची कारवाई पोलिस निरीक्षक पुरुषोत्तम देशमुख यांच्या पथकातील सहायक पोलिस निरीक्षक नीलेश विधाटे, फौजदार संतोष माळगे, पोलिस कर्मचारी आनंद ढवळे, कानबा हाराळ, सज्जन काकडे, जायभाय, संतोष बनकर आणि आसाराम मदने यांनी केली.
