Jalna News: Loafers, beware—if you harass girls, you will face the consequences
जालना, पुढारी वृत्तसेवा : शहरातील महिला व तरुणींच्या सुरक्षिततेसाठी दामिनी पथकाने आपली कारवाई अधिक तीव्र केली असून मोती बाग चौपाटी व बसस्थानक परिसरात टवाळखोरी करणाऱ्या युवकांवर धडक कारवाई करण्यात आली. यावेळी संबंधित युवकांना उठाबश्या काढण्यास भाग पाडून समज देण्यात आली.
पोलिस अधीक्षक तेघबीर सिंह संधू यांच्या मार्गदर्शनाखाली दामिनी पथकप्रमुख गणेश शिंदे तसेच महिला पोलिस कर्मचारी सिंधू खर्जुले, वंदना साळवे आणि जयश्री म्हसके यांनी ही कारवाई केली. महिला सुरक्षिततेबाबत जनजागृती करण्यासाठी दामिनी पथकाकडून शाळा वमहाविद्यालयांमध्येही भेटी देण्यात येत आहेत.
विद्यार्थिनींना त्यांच्या हक्कांबाबत माहिती देत छेडछाड अथवा त्रास होत असल्यास तातडीने तक्रार करण्याचे आवाहन करण्यात येत आहे. दामिनी पथक महिला, मुलींच्या सुरक्षिततेसाठी कार्यकरत आहे. तरुणी तसेच महिलांची कुणी छेड काढत असल्यास किंवा त्रास देत असल्यास दामिनी पथकाच्या हेल्पलाईन क्रमांक 9822171918 वर संपर्क साधावा, असे आवाहन पोलिसांनी केले आहे.
