Child marriage : मोहळाईत पोलिसांनी बालविवाह रोखला

पिंपळगाव रेणुकाई : भोकरदन तालुक्यातील मोहळई डायल 112 वर आलेल्या कॉलमुळे भोकरदन तालुक्यातील मोहळई येथे होणारा बालविवाह पोलिसांनी वेळीच रोखला.

गावात अल्पवयीन मुलीचा विवाह होत असल्याची माहिती मिळताच पोलिस कर्मचारी प्रकाश सिनकर सुरेश पाटील तत्काळ घटनास्थळी दाखल झाले. यावेळी ग्रामपंचायत अधिकारी बोरसे मॅडम, पोलिस पाटील सुरेश पालकर, सरपंच रेणुका पालकर, चाईल्ड लाईन जालना येथील मंगल उगले व अंगणवाडी सेविका मंगला पानपाटील उपस्थित होत्या.

अधिकाऱ्यांनी बालिकेच्या आई-वडिलांना कायद्याची समज देऊन सूचनापत्र देऊन विवाह थांबवला. पोलिसांच्या तत्परतेमुळे बालविवाह थांबला आहे.