Hingoli News : एक एकरावरील मिरचीचे पिक टाकले उपटून

पिंपळखुटा येथील शेतकऱ्याने हताश होऊन उचलले पाऊल
Hingoli News
Hingoli News : एक एकरावरील मिरचीचे पिक टाकले उपटूनfile photo
Published on: 
Updated on: 

Uprooted the chili crop from one acre of land

हिंगोली : पुढारी वृत्तसेवा दरवर्षी मिरचीमधून सुमारे ३ लाख रुपयांचे उत्पन्न काढतो, यावर्षी चांगले उत्पादन येईल अशी अपेक्षा होती मात्र पाणीच नाही तर आता शेतकऱ्यांनी काय करावे, शासनाने शेतकऱ्यांकडे लक्ष द्यावे अशी आर्त हाक देत पिंपळखुटा येथील शेतकरी संतोष पाखरे यांनी त्यांच्या शेतातील एक एकर क्षेत्रावरील मिरचीचे पिक उपटून फेकून दिले.

Hingoli News
Hingoli News : औंढा नागनाथ तालुक्यातील ३८ वर्षीय शेतकऱ्याचे अपहरण

पिंपळखुटा येथील शेतकरी पाखरे यांना अडीच एकर शेती आहे. या शेतीमध्ये ते दरवर्षी एक एकर क्षेत्रावर मिरचीचे उत्पादन घेतात. यावर्षीही त्यांनी एक एकर क्षेत्रावर मिरचीच्या रोपांची लागवड केली. एक एकर क्षेत्रावर त्यांनी ८ ते २ हजार रोपे लावली. शेतातील विहीरीवरून रोपांना पाणी देऊन त्यांचे संगोपन केले.

या शिवाय वेळोवेळी खताच्या मात्रा देऊन फवारण्या देखील केल्या. त्यासाठी आता पर्यंत एक लाख रुपयांचा खर्च झाला. दरम्यान, दुष्काळी परिस्थितीमुळे विहीरीचे पाणी आटले तर विंधन विहीरीला देखील पाणी नसल्यामुळे मिरचीचे पिक वाळून जाऊ लागले. आता काढणीच्या अवस्थेतच पिक वाळून जात असल्याने या पिकातून उत्पादन येण्याची शक्यता मावळली होती.

Hingoli News
Hingoli Water Protest | ऐन हिवाळ्यात गोरेगावात पाण्यासाठी महिलांचा घागर मोर्चा; ग्रामपंचायतीला घेराव!

झाडांना केवळ एक ते दोन मिरच्याच लागल्या होत्या. त्यामुळे मिरची लागवडीचा खर्चही निघणार नसल्याने पाखरे यांनी सोमवारी शेतात जाऊन मिरचीचे पिक उपटून टाकले. यावर्षी दुष्काळी परिस्थितीमुळे खरीप हंगामाचे पिक शेतकऱ्यांच्या हाती लागले नाही, रब्बी हंगामाची पेरणीही झाली नाही. आता शेतकऱ्यांनी काय करावे अन काय खावे असा सवाल करीत शासनाने शेतकऱ्यांच्या प्रश्नाकडे लक्ष देऊन शेतकऱ्यांना भरीव मदत द्यावी अशी मागणीही त्यांनी यावेळी नागरिक उपस्थित होते.

दरवर्षी प्रमाणे यावर्षीही मिरचीचे उत्पादन चांगले येईल या आशेवर जिल्हयातील शेतकऱ्यांकडून मिरचीचे रोप खरेदी करून लागवड केली. मात्र पावसाने दगा दिला अन विहीरीचे पाणीही आटले. सुरवातीला ठिबक सिंचन पध्दतीने पाणी दिले. मात्र आता विहीरीतच पाणी नाही तर पिकाला कुठून पाणी मिळणार, मिरचीचे वाळत चाललेले पिक पहावत नसल्याने अखेर पिक उपटून टाकले असल्याची प्रतिक्रिया शेतकरी संतोष पाखरे यांनी दिली.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.