मुरुम : मुरुम पोलीस ठाणे हद्दीत दुचाकीच्या धडकेत एका महिलेचा मृत्यू झाल्याची घटना घडली आहे. फिर्यादी सौ. प्रियंका किरण कांबळे (वय 29, रा. दाळींब ता. उमरगा) यांनी दिलेल्या तक्रारीनुसार, दि. 8 फेब्रुवारी रोजी सायंकाळी 7 वाजण्याच्या सुमारास त्या व गुणाबाई बाबु मदने उर्फ पाटील (वय 56, रा. मदनेवाडी ता. बसवकल्याण जि. बिदर) या देविदास देवकत्ते यांच्या घरासमोर सर्व्हिस रोडवरून पायी जात असताना मोटारसायकल (एमएच-बीबी-8874) चालकाने निष्काळजीपणे वाहन चालवून पाठीमागून धडक दिली.
या अपघातात गुणाबाई मदने पाटील या गंभीर जखमी होऊन त्यांचा मृत्यू झाला, तर फिर्यादी प्रियंका कांबळे या किरकोळ जखमी झाल्या. या प्रकरणी दि. 1 मार्च रोजी दिलेल्या फिर्यादीवरून मुरुम पोलीस ठाण्यात गुन्हा नोंद करण्यात आला असून पुढील तपास सुरू आहे.
