A flood of devotees flocked to Yermala to have darshan of the goddess
येरमाळा, पुढारी वृत्तसेवा : श्री येडेश्वरी देवी यांच्या चैत्र पौर्णिमा यात्रेला गुरुवारपासून (दि.२) उत्साहात प्रारंभ झाला. देवीच्या दर्शनासाठी लाखो भाविक येरमाळा नगरीत दाखल झाले आहेत. आई राजा उदो उदो...! या जयघोषाने संपूर्ण परिसर दुमदुमून गेला असून संपूर्ण वातावरण भक्तिमय झाले आहे. शुक्रवारी (दि. ३) सकाळी १० वाजता होणाऱ्या चुना वेचण्याच्या मुख्य विधीमुळे भाविकांची गर्दी आणखी वाढण्याची शक्यता आहे.
चैत्र पौर्णिमेनिमित्त देवीला पुरणपोळीचा नैवेद्य दाखवण्यात आला. दर्शनासाठी भाविकांची मोठी रांग लागली असून मिळेल त्या वाहनाने भाविक येत आहेत. शिव-ारात, रस्त्याकडेला व झाडाखाली भाविकांनी राहुट्या उभारून मुक्कामाची तयारी केली आहे. रब्बी हंगामातील नवीन धान्याचा नैवेद्य देण्याची परंपरा पाळली जात असून संबळ, झांज, ढोलकीच्या तालावर आराधी गीतांनी वातावरण भक्तिमय झाले आहे.
