छत्रपती संभाजीनगर : गांधारी नदीवरील बंधाऱ्यात तरुण बुडाला

हतनूर, पुढारी वृत्तसेवा : कन्नड तालुक्यातील हतनूर शिवारातील गांधारी नदीच्या बंधाऱ्यावर (केटी वेयर) गेलेला तरुण पाण्यात पाय घसरुन पडून बुडाला. ही घटना आज (दि. १४) दुपारी अडीचच्या सुमारास घडली. सागर संजय गायकवाड (वय २१, रा. घुसुर, ता. कन्नड.) असे बुडालेल्या तरुणाचे नाव आहे. उशिरापर्यंत शोध मोहीम सुरू होती. पण तो सापडून आला नाही. या घटनेबाबत कन्नड ग्रामीण पोलीस ठाण्यात नोंद झाली आहे.