ST's smart card deadline extended till September1
छत्रपती संभाजीनगर, पुढारी वृत्तसेवा : एसटी बसमधून प्रवास करताना शासनाच्या विविध सवलतींचा लाभ घेण्यासाठी एनसीएमसी स्मार्ट कार्ड अनिवार्य करण्याच्या निर्णयाला आता १ सप्टेंबरपर्यंत मुदतवाढ देण्यात आली आहे. अनेक ज्येष्ठ नागरिक आणि महिलांना अद्याप स्मार्ट कार्ड मिळाले नसल्याने त्यांची गैरसोय होऊ नये, यासाठी हा निर्णय घेण्यात आला आहे.
राज्य शासनाच्या वतीने अमृत ज्येष्ठांना एसटीमधून मोफत प्रवास, तसेच ज्येष्ठ नागरिक आणि महिलांना ५० टक्के सवलत दिली जाते. या सवलती अधिक सुलभ, पारदर्शक आणि तंत्रज्ञानाधारित पद्धतीने उपलब्ध करून देण्यासाठी १ ऑगस्टपासून एनसीएमसी स्मार्ट कार्ड अनिवार्य करण्याचा निर्णय यापूर्वी घेण्यात आला होता. दरम्यान, याला मुदतवाढ दिली असून, आता १ सप्टेंबरपासून हे कार्ड सक्तीचे करण्यात येणार आहे. या मुदतवाढीमुळे एनसीएमसी स्मार्ट कार्ड अद्याप प्राप्त न झालेल्या अमृत ज्येष्ठ नागरिक, ज्येष्ठ नागरिक आणि महिला प्रवाशांना मोठा दिलासा मिळाला आहे.
सवलतींचा लाभ कायमः कार्डसाठी मिळाला अतिरिक्त वेळ
एनसीएमसी स्मार्ट कार्ड अनिवार्यतेस १ सप्टेंबरपर्यंत मुदतवाढ
अमृत ज्येष्ठ नागरिकांचा एसटी प्रवास मोफत
ज्येष्ठ नागरिक, महिलांना प्रवास भाड्यात ५० टक्के सवलत
स्मार्ट कार्ड अद्याप न मिळालेल्या प्रवाशांची गैरसोय टळणार
