Accident News : मुकुंदवाडी सिग्नलवर एसटीने वाहनांना उडविले

जालना रोडवरील मुकुंदवाडी सिग्नलवर उभ्या असलेल्या वाहनांना एसटी बसने पाठीमागून धडक दिल्याने साखळी अपघात घडला.
Accident News
Accident News : मुकुंदवाडी सिग्नलवर एसटीने वाहनांना उडविलेfile photo
Published on: 
Updated on: 

ST bus rams into vehicles at Mukundwadi signal

छत्रपती संभाजीनगर, पुढारी वृत्तसेवा : जालना रोडवरील मुकुंदवाडी सिग्नलवर उभ्या असलेल्या वाहनांना एसटी बसने पाठीमागून धडक दिल्याने साखळी अपघात घडला. ही घटना गुरुवारी (दि.१९) सकाळी साडेनऊ वाजेच्या सुमारास घडला. यात एका रिक्षासह दुचाकी आणि कारचे नुकसान झाले असून, एक रिक्षाचालक जखमी झाला आहे. याप्रकरणी एमआयडीसी सिडको पोलिस ठाण्यात बस चालकाविरुद्ध (एमएच १४ केकयू ४९६८) गुन्हा दाखल करण्यात आला आहे.

Accident News
Vaijapur News : वैजापुरातील रोहित पठारे हत्याकांडाचा तपास आता सीआयडीकडे

फिर्यादी रिक्षाचालक नितीन साहेबराव शेजूळ (४६) हे प्रवासी घेऊन एपीआय कॉर्नरकडून जालना रोडने चिकलठाण्याच्या दिशेने जात होते. मुकुंदवाडी येथे सिग्नल लागल्याने रिक्षा (क्र. एमएच २० डीसी ३०८३) व थांबवली. याचवेळी त्यांच्या रिक्षाच्या पाठीमागे आणखी एक रिक्षा (क्र. एमएच २० ईके ३७७३) आणि एक दुचाकी (क्र. एमएच २० एफएच ना ४२०७) उभी होती, तर पुढे एक कार (क्र. एमएच ०३ ईबी ८४९६) उभी होती.

Accident News
Rickshaw Strike : २३ नोव्हेंबरला रिक्षा बंदचे आवाहन

दरम्यान, पाठीमागून भरधाव एसटी बस चालकाने सिग्नलवर उभ्या असलेल्या या वाहनांना जोरदार धडक दिली. धडकेमुळे पाठीमागील दुचाकी आणि रिक्षा पुढे ढकलली गेली. या धडकेत नितीन शेजूळ यांची रिक्षा पुढे उभ्या असलेल्या कारवर जाऊन आदळली. दोन्ही बाजूंनी चेपल्यामुळे शेजूळ यांच्या रिक्षाचे मोठे नुकसान झाले असून, त्यांच्या उजव्या हाताला गंभीर मार लागला आहे. इतर वाहनांतील प्रवाशांनाही किरकोळ दुखापत झाली आहे. अपघातानंतर नागरिकांनी मदत करत रिक्षा बाजूला लावली आणि पोलिस ठाण्यात नेले. अधिक तपास एमआयडीसी सिडको पोलिस करत आहेत.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.