Shiv Sena Ubatha Party organizes Shiv Sampark campaign preparatory camp
छत्रपती संभाजीनगर, पुढारी वृत्तसेवा : पक्षासाठी सध्याची वेळ कठीण आहे. पक्षाने ज्यांना मोठे केले, त्यांनीच गद्दारी केली. पक्षाचे नाव, चिन्ह पळविले. पण पक्षाचा मतदार अजूनही कायम आहे. त्यामुळे वेळ कठीण असली तरी आगामी स्थानिक स्वराज्य संस्थांच्या निवडणुकांमध्ये आपणच जिंकणार असा विश्वास शिवसेना उबाठा पक्षाच्यावतीने आयोजित शिबिरात वरिष्ठ नेत्यांनी व्यक्त केला.
शिवसेना उबाठा पक्षाच्यावतीने शनिवारी मसापच्या यशवंतराव चव्हाण सभागृहात निष्ठावंत शिवसंपर्क मोहीत पूर्वतयारी शिबिराचे आयोजन करण्यात आले होते. शिबिरात पक्षाचे सचिव अनिल देसाई, नेते चंद्रकांत खैरे, विरोधी पक्ष नेते अंबादास दानवे, उपनेते विनोद घोसाळकर, रवींद्र मिर्लेकर, लक्ष्मणराव वडले, उपनेत्या ज्योती ठाकरे, माजी आमदार उदयसिंग राजपूत आदींची भाषणे झाली.
आमदाराच्या जाचातून सुटका
66 सध्या शिवसेनेनेसमोर संधी आहे. स्थानिक स्वराज्य संस्थांसाठी तिकीट वाटप करताना निष्ठावंतांना संधी दिली जाईल. आतापर्यंत तिकीट वाटपावेळी आमदारांचे चोचले पुरवावे लागत होते. आता आमदाराच्या जाचातून शिवसेना बाहेर पडली आहे. सर्व शिवसैनिकांना सोबत घेऊन ही निवडणूक लढवायची आहे.
विनोद घोसाळकर
