Chhatrapati Sambhajinagar fraud : जुनी कार विक्रीचा बहाणा : 6 लाखांची फसवणूक

छत्रपती संभाजीनगर : जुनी कार विक्री करण्याच्या बहाण्याने एका तरुणाची 6 लाखाची फसवणूक करण्यात आली. या प्रकरणी सिडको पोलिस ठाण्यात रिपाइं (ए)चे आप्पाराव इंगोले आणि बाळकृष्ण इंगळे यांच्याविरुद्ध सिडको पोलिस ठाण्यात गुन्हा दाखल करण्यात आला आहे.

आंबेडकरनगर येथील समाधान भिवसने (32) यांना जुनी कार खरेदी करायची होती. दरम्यान, आप्पाराव इंगोले यांची कार( क्र. एम एच 20 एफ यू 6377) ही गाडी विक्रीसाठी असल्याची माहिती त्यांना मिळाली. त्यामुळे 31 मे 2022 रोजी समाधान यांनी 8 लाख 50 हजार रुपयांत हा व्यवहार ठरवून सर्व रक्कम आरटीजीएसद्वारे इंगोले यांच्या खात्यात जमा केली. 1 जून 2022 रोजी रीतसर खरेदी खत करून गाडीचा ताबाही भिवसने यांना दिला.