Rickshaw drivers should adopt the e-rickshaw option: MLA Abdul Sattar
सिल्लोड, पुढारी वृत्तसेवा : शहरातील प्रियदर्शनी चौकात एकता रिक्षा युनियनच्या टॅक्सी रिक्षा पॉइंटच्या नामफलकाचे उद्घाटन आमदार अब्दुल सत्तार यांच्या हस्ते करण्यात आले. यावेळी त्यांनी रिक्षाचालकांशी संवाद साधून त्यांच्या अडचणी व रिक्षा व्यवसायाशी संबंधित विविध विषयांवर चर्चा केली.
रिक्षा व्यवसाय हा अनेक कुटुंबांच्या उदरनिर्वाहाचा आधार असल्याचे सांगत, बदलत्या काळानुसार रिक्षाचालकांनी पारंपरिक रिक्षांसोबत ई-रिक्षेचा पर्याय स्वीकारावा, असे आवाहन आमदार सत्तार यांनी केले. ई-रिक्षा खरेदीसाठी बँकांकडून अर्थसहाय्य उपलब्ध असून, त्याचा लाभ घेऊन आधुनिक तंत्रज्ञानाचा स्वीकार करावा, असे त्यांनी सांगितले. प्रवाशांना सुरक्षित, शिस्तबद्ध व विश्वासार्ह सेवा देत शहराच्या वाहतूक व्यवस्थेत सकारात्मक योगदान देण्याचे आवाहनही त्यांनी केले.
यावेळी शिवसेना जिल्हाप्रमुख डॉ. मनोज राठोड, नगराध्यक्ष अब्दुल समीर, जिल्हा बँकेचे संचालक माजी अध्यक्ष अर्जुन पा. गाढे, नगरसेवक शेख बाबू भिकन, नंदकिशोर सहारे, शेख इम्रान गुड्डू, जुम्माखा पठाण, अकील वसईकर, मिर्झा चांदबेग तसेच टॅक्सी युनियनचे अध्यक्ष अक्रम कोतवाल, सचिव शेख बब्बू, उपाध्यक्ष सुनील लांडगे
कोषाध्यक्ष शमशेर कोतवाल यांच्यासह शेख पटेल, अक्रम पठाण, शेख भिकन, लूकमान सय्यद, नाजिम पठाण, फारुख शेख, इसाक पठाण, मुक्तार पठाण, सुनील शेंडे, शफिक सय्यद, शमशेर पठाण, आलेर पठाण, गौतम हिवराळे, हसन शेख आदी रिक्षाचालक व पदाधिकारी उपस्थित होते.
