Patoda town and its surrounding areas were battered by stormy winds
पाटोदा, पुढारी वृत्तसेवा पाटोदा शहर व परिसराला बुधवारी सायंकाळी चार वाजण्याच्या सुमारास वादळी वाऱ्यासह पावसाने अक्षरशः झोडपून काढले, जवळपास अर्धा तास झालेल्या वादळी वाऱ्याने अनेक घरांवरील पत्रे उडून गेले तसेच झाडेही उन्मळून पडली.
गेल्या आठ ते दहा दिवसांपासून प्रचंड उकाड्याने त्रस्त असलेल्या पाटोदाकरांना बुधवारी दुपारी वादळी वाऱ्यासह झालेल्या पावसाने अक्षरशः झोडपून काढले. जवळपास अर्धा तास झालेल्या वादळामुळे परिसरातील अनेक घरांवरील पत्रे उडून गेल्याने संसारोपयोगी साहित्य भिजले, तसेच शेतकऱ्यांचेही मोठे नुकसान झाले आहे.
अनेक ठिकाणी झाडे उन्मळून पडले तसेच विजेचे खांब कोसळल्याने बीजपुरवठा विस्कळीत झाला आहे, वादळी वाऱ्यासह झालेल्या या पावसामुळे उकाड्यापासून मात्र पाटोदाकरांना दिलासा मिळाला.
