India is on the verge of becoming a global manufacturing powerhouse: Bagla
छत्रपती संभाजीनगर, पुढारी वृत्तसेवा : भारत जागतिक उत्पादन पॉवरहाऊस म्हणून एका महत्त्वपूर्ण टप्प्यावर आहे. छत्रपती संभाजीनगर आणि ऑरिक इकोसिस्टम या परिवर्तनाचे प्रमुख चालक म्हणून उदयास येत आहे. भारताच्या आर्थिक भविष्याला आकार देणारी सर्वात मोठी परिवर्तनकारी शक्ती म्हणून इलेक्ट्रिक मोबिलिटीवर भर देत असल्याचे सीआयआय वेस्टर्न रीजनचे अध्यक्ष त्रनी बागला म्हणाले.
सीआयआय लीडरशिप कॉन्फरन्स नुकतीच शहरात मोठ्या उत्साहात पार पडली. यात सीआयआय लीडरशिप कॉन्फरन्स महाराष्ट्र या विषयावर उद्योग नेत्यांनी त्यांचे विचार मांडले. यावेळी उपाध्यक्ष वीर अडवाणी, मराठवाडा त्यांनी पुनरुच्चार केला.
झोनल कौन्सिलचे अध्यक्ष मिलन के. नाग, उपाध्यक्ष नरेंद्र कुलकर्णी, सीआयआय गोवाचे अध्यक्ष अर्जुन चौगुले, प्रादेशिक संचालक वैशाली श्रीवास्तव यांची उपस्थिती होती. बागला म्हणाले, या प्रदेशातील जागतिक दर्जाची पायाभूत सुविधा, मजबूत ऑटोमोटिव्ह वारसा आणि एकात्मिक एमएसएमई इकोसिस्टम हे ईव्ही उत्पादन आणि जागतिक मूल्य साखळीसाठी राष्ट्रीय केंद्र म्हणून स्थान देते.
जागतिक स्तरावर स्पर्धात्मक आणि भविष्यासाठी तयार औद्योगिक पाया निर्माण करण्यासाठी धोरण वकिली, कौशल्य विकास, शाश्वतता आणि तंत्रज्ञान भागीदार- ीद्वारे भारताच्या ईव्ही उत्पादन परिसंस्थेला बळकटी देण्याच्या सीआयआयच्या वचनबद्धतेचा त्यांनी पुनरूच्चार केला.
