Chemicals dumped into the Nagzhari riverbed.
दौलताबाद, पुढारी वृत्तसेवा समृद्धी महामार्गालगतच्या नागझरी नदी परिसरात अज्ञातांकडून धोकादायक केमिकल टाकल्याचा गंभीर प्रकार उघडकीस आला आहे. यामुळे परिसरातील शेतकरी व ग्रामस्थांमध्ये तीव्र संताप आणि भीतीचे वातावरण निर्माण झाले आहे.
मिळालेल्या माहितीनुसार, नागपूर कॉरिडॉरवरील साखळी क्र. ४४३+२०० परिसरात रात्रीच्या वेळी अज्ञात टँकरमधून नदीत केमिकल सोडले जात असल्याचा प्रकार मागील काही दिवसांपासून सुरू आहे.
या प्रकरणी दौलताबाद व माळीवाडा शिवारातील शेतकरी संतोष गाणार आणि रावसाहेब शेरकर यांनी दौलताबाद पोलिस ठाण्यात लेखी तक्रार दाखल केली आहे. नदीतील साचलेल्या पाण्यात केमिकल मिसळल्याने जनावरांच्या पिण्याच्या पाण्याचा प्रश्न गंभीर बनला आहे.
