परळी वैजनाथ, पुढारी वृत्तसेवा : बारा ज्योतिर्लिंगांपैकी पंचम ज्योतिर्लिंग स्थान असलेल्या परळी वैजनाथ येथील रेल्वे स्थानकाच्या पुनर्विकासासाठी २५.७ कोटींचा निधी मंजूर झाला आहे. प्रभू वैजनाथ ज्योतिर्लिंग देवस्थानाच्या दर्शनास येणाऱ्या भाविकांच्या सोयी-सुविधासह या भागातील दळणवळण सोयीस्कर व गतिमान करण्याच्या कामासाठी या निधीचा लाभ होणार आहे. (Beed Parli Vaijnath News)
राज्यातील एकूण १३२ रेल्वे स्थानकांच्या पुनर्विकास कार्यक्रम हाती घेण्यात आलेला आहे. त्याअंतर्गत परळी वैजनाथ रेल्वे स्थानकाचाही समावेश करण्यात आलेला आहे. रेल्वे स्थानक पुनर्विकास कामासाठी २५.७ कोटी रुपये निधी आता मंजूर करण्यात आलेला आहे. हा निधी मंजूर केल्याबद्दल केंद्रीय रेल्वे मंत्री अश्विनी वैष्णव तसेच राज्याचे मुख्यमंत्री देवेंद्र फडणवीस यांचे आ. धनंजय मुंडे यांनी आभार व्यक्त केले आहेत.
