Beed Youth Drawn death|गणेश विसर्जनासाठी गेलेल्या युवकाचा नदीपात्रात बुडून मृत्यू, कौठळी येथील घटना

परळी वैजनाथ (बीड) - गणेश विसर्जन करण्यासाठी गेलेल्या एका वीस वर्षीय युवकाचा पाण्यात बुडून मृत्यू झाल्याची घटना घडली. परळी वैजनाथ तालुक्यातील कौठळी येथील नदीपात्रात दिनांक २५ रोजी सायंकाळच्या सुमारास हा दुर्देवी प्रसंग घडला.

आदिनाथ भाऊराव जाधव (वय 20 वर्षे) असे युवकाचे नाव आहे. परळी ग्रामीण पोलिसांनी घटनास्थळी भेट दिली असून उपजिल्हा रुग्णालयात उत्तरीय तपासणी करण्यात आली. या प्रकरणी परळी ग्रामीण पोलिसात आकस्मित मृत्यूची नोंद करण्यात आली आहे, अशी माहिती ग्रामीण पोलीस निरीक्षक मल्हारी शिवरकर यांनी दिली आहे.