Kolhapur Youth Murder: दगडाने ठेचून तरुणाची हत्या, शिरोळ तालुक्यातील घटना

जयसिंगपूर : पुढारी वृत्तसेवा

तमदलगे (ता. शिरोळ) येथील डोंगराच्या पायथ्याशी अविनाश कामगोंडा पाटील (रा.निमशिरगाव ता. शिरोळ) या तरुणाचा दगडाने ठेचून खून केल्याची घटना आज (मंगळवार) सकाळी उघडकीस आली आहे.

या घटनेनंतर निमशिरगाव व तमदलगेमध्ये खळबळ उडाली आहे. घटनास्थळी जयसिंगपूर पोलीस पथकाने धाव घेतली आहे. मात्र हा खून कोणत्‍या कारणामुळे झाला आहे, हे अद्याप समजू शकलेले नाही.

ही घटना सोमवारी रात्री घडली असल्याचे दिसून आले आहे. पोलीस निरीक्षक सत्यवान हक्के हे घटनास्थळी असून पंचनाम्याचे काम सुरू आहे. मात्र या खुनाच्या घटनेमुळे परिसरात भीतीचे वातावरण निर्माण झाले आहे.