कोल्हापूर : हातकणंगले येथे डोक्यात फरशी घालून तरूणाचा खून

हातकणंगले : हातकणंगले येथे तरूणाचा डोक्यात फरशी घालून निर्घृण खून करण्यात आला. ही घटना आज (दि.२३) रात्री साडेदहाच्या सुमारास हातकणंगले- इचलकरंजी रोडजवळ घडली. विनोद महादेव बजयंत्री (कोरवी) असे या तरूणाचे नाव असून याप्रकरणी पोलिसांकडून तपास सुरू आहे.

मिळालेल्या माहितीनुसार हातकणंगले- इचलकरंजी रोडवरती असलेल्या बारमध्ये रात्री साडेदहाच्या सुमारास अज्ञात तिघांनी विनायकला बोलवून घेतले. व त्याच्या डोक्यात फरशीने वर्मी घाव घालून गंभीर जखमी केले. यामध्ये त्याचा जागीच मृत्यू झाला. ही घटना कळताच हातकणंगले पोलिसांनी घटनास्थळी धाव घेत तपास सुरू केला आहे.