Datta Temple Narsobachi Wadi Portal Launch
नृसिंहवाडी : नृसिंहवाडी येथील श्री नृसिंहसरस्वती स्वामी दत्त देवस्थानच्या संकेतस्थळाचे लोकार्पण करण्यात आले. www.dattadevsthannwd.com या संकेतस्थळाच्या माध्यमातून देशभरातील दत्तभक्तांना देवस्थानची माहिती, दैनंदिन पूजा, देणगी सुविधा व धार्मिक उत्सवांची माहिती होणार आहे.
या डिजिटल उपक्रमामुळे दत्त मंदिर व भक्तांतील संवाद सुलभ व प्रभावीपणे होणार आहे. नव्या संकेतस्थळाद्वारे या पवित्र क्षेत्राचा इतिहास, परंपरा व आध्यात्मिक वारसा भाविकांपर्यंत आधुनिक तंत्रज्ञानाच्या माध्यमातून पोहोचवण्याचा प्रयत्न असल्याचे दत्त देवस्थानचे अध्यक्ष प्रा. गुंडो पुजारी यांनी सांगितले.
या संकेतस्थळाची संकल्पना व तांत्रिक विकास नुपथ स्पेअर कंपनीने केला आहे. आधुनिक तंत्रज्ञान व भारतीय संस्कृती वारसा यांचा सुंदर संगम या संकेतस्थळात अनुभवायला मिळतो.
ही वेबसाईट मोबाईल टॅब व संगणकावर सहज वापरता येईल अशी रचना करण्यात आली आहे. लोकार्पण कार्यक्रमाचा प्रसंगी अध्यक्ष प्रा. गुंडो पुजारी व विश्वस्त उपस्थित होते.
