Kolhapur Rain Update: कोल्हापुरात गेल्या दोन दिवसांपासून चांगला पाऊस होत आहे. धरणक्षेत्रातीही पावसाने जोर धरला असून नद्यांच्या पातळ्या देखील झपाट्याने वाढत आहेत. गडहिंग्लज तालुक्यातही पावसाचा जोर कायम असल्यानं हिरण्यकेशी नदीपात्रातील पाण्याचा प्रवाह वाढला आहे. या वाढलेल्या प्रवाहामुळं भडगाव येथील पर्यायी पूल पूर्णपणे वाहून गेला आहे.
गेल्या दोन दिवसांच्या संततधार पावसामुळं आधीच भडगाव पर्यायी पुलाचा काही भाग खचला होता. त्यामुळं प्रशासनानं खबरदारीचा उपाय म्हणून या पुलावरून चंदगडच्या दिशेने जाणारी वाहतूक बंद केली होती. ही वाहतूक आझरा गजरगाव मार्गाने वळवण्यात आली होती. आज पूर्ण पूलच वाहून गेला आहे. प्रशासनानं वेळीत खबदारी घेत या पुलावरची वाहतूक बंद केल्यामुळं मोठी दुर्घटना होण्याची शक्यता टळली.
