आजरा : शहरात भिंत अंगावर कोसळून महाविद्यालयीन प्राध्यापिका व शाळकरी मुलगी जागीच ठार झाल्या. तर एक महिला गंभीर जखमी झाल्या आहेत. यामध्ये कु. वैष्णवी तुकाराम भोसले (वय : १४ वर्षे) व प्रा. ज्योती नितीन कुंभार (वय : ४२ वर्षे) या ठार झाल्या. तर ललिता तुकाराम भोसले (वय : ४५ वर्षे) या गंभीर जखमी झाल्या आहेत. सकाळी १० च्या सुमारास ही घटना घडली.
घराची भिंत पाडायचे काम सुरू असताना वैष्णवी, आई ललिता व प्रा. ज्योती कुंभार या रस्त्यावरून जात होते. त्यावेळी भिंत जे सीबीच्या सहाय्याने पाडत असताना अचानक रस्त्यावर कोसळली. यामध्ये कु. वैष्णवी व प्रा. ज्योती या जागीच ठार झाल्या. तर ललिता यांच्या पायाला गंभीर दुखापत झाली आहे.
घटनास्थळी नगराध्यक्ष अशोक चराटी, डी वाय एसपी,तहसीलदार समीर माने, नायब तहसीलदार विकास कोलते,मंडल अधिकारी सुंदर जाधव,वैद्यकीय अधिक्षक डॉ. अमोल पाटील, सर्व नगरसेवकांनी भेट दिली.
