Kolhapur Politics | महायुतीची उमेदवारी आपल्यालाच मिळणार : संजय मंडलिक
हमिदवाडा; पुढारी वृत्तसेवा : महायुतीची उमेदवारी आपल्यालाच मिळणार आहे व स्व. सदाशिवराव मंडलिक यांच्याकडून मिळालेल्या संघर्षाच्या वारशानुसार लोकसभा लढण्यासाठी मी सज्ज आहे, असे प्रतिपादन खासदार संजय मंडलिक यांनी केले. (Kolhapur Politics)
येथील साखर कारखाना कार्यस्थळावर लोकनेते सदाशिवराव मंडलिक यांच्या 9 व्या स्मृतिदिनानिमित्त आयोजित अभिवादन मेळाव्यात अध्यक्ष स्थानावरून ते बोलत होते. यावेळी प्रमुख पाहुणे म्हणून माजी राज्यमंत्री आमदार राजेंद्र पाटील-यड्रावकर हे होते. यावेळी स्व. सदाशिवराव मंडलिक यांच्या पूर्णाकृती पुतळ्याचे पूजन मान्यवरांच्या हस्ते झाले. यावेळी आ. राजेंद्र पाटील म्हणाले, मंडलिक हे खर्याला खरे व खोट्याला खोटे म्हणणारे राजकारणातील आदर्श व्यक्तिमत्त्व होते व त्यांचाच वारसा खा. संजय मंडलिक नेटाने पुढे नेत आहेत. यावेळी कारखान्याचे उपाध्यक्ष शिवाजीराव इंगळे, यशोवर्धन मंडलिक, आर. डी. पाटील, मारुतराव काळुगडे उपस्थित होते.
