MPSC PSI Result: दानोळीचा अभिजित केणे पीएसआय परीक्षेत राज्यात सातवा

दानोळी; पुढारी वृत्तसेवा : येथील धरणग्रस्त वसाहत आदर्श गाव दानोळी येथील शेतकरी कुटुंबातील अभिजित विलास केणे याने अतिशय कष्टातून राज्यात सातवा क्रमांक पटकावत पोलीस उपनिरीक्षक पदाला गवसणी घातली. या यशामुळे त्याचे सर्वत्र कौतुक होत आहे.

अभिजितचे प्राथमिक शिक्षण विद्या मंदिर धरणग्रस्त वसाहत, आदर्शगाव, दानोळी येथे झाले. तर माध्यमिक शिक्षण लक्ष्मीनारायण मालू हायस्कूल जयसिंगपूर येथे झाले. तर, महाविद्यालयीन शिक्षण जयसिंगपूर कॉलेज जयसिंगपूर येथे झाले. या यशात आई, वडील, मोठा भाऊ यांची प्रेरणा तर स्पर्धा परीक्षा मार्गदर्शन केंद्राचे धनाजी केणे, रणजित केणे यांचे मार्गदर्शन मिळाल्याचे अभिजितने सांगितले.
दरम्यान, ग्रामस्थांनी फटाक्यांची आतषबाजी आणि गुलालाची उधळण केली. दरम्यान ग्रा.प. सदस्या मंगल दळवी यांनी अभिजीतचा सत्कार केला. यावेळी महेश दळवी, विजय दळवी, सुरेश पवार आदी उपस्थित होते.

हेही वाचा 

• MPSC PSI Result | कोल्हापूर : अन् शिवप्रसादचं घर आनंदानं डोलू लागलं! पाचवडेच्या युवकाचं पीएसआय परीक्षेत यश
• कोल्हापूर: किणी येथील आफ्रिन मेहबूब बिजली हिची 'पीएसआय' पदी निवड
• गुडाळ येथे भावापाठोपाठ बहीण पोलीस दलात; धनश्री माळवीची 'पीएसआय' पदी निवड