कोल्हापूर : कुरुंदवाडमध्ये कर्नाटकातील विजयानंतर काँग्रेस कार्यकर्त्यांचा जल्लोष

कुरुंदवाड; पुढारी वृत्तसेवा: कर्नाटक विधानसभा निवडणुकीत काँग्रेसने स्पष्ट बहुमत मिळवत सत्तांतर घडवून आणले. काँग्रेसच्या या विजयाचा कुरुंदवाड शहरात फटाक्याची आतषबाजी करून आणि साखर पेढे वाटून आनंदोत्सव साजरा करण्यात आला.

येथील डॉ. बाबासाहेब आंबेडकर चौकात आज (दि. १३) दुपारी अडीच वाजता काँग्रेस समर्थकांनी फटाक्यांची आतषबाजी करून पेढे वाटले. तसेच जोरदार घोषणाबाजी करून परिसर दणाणून सोडला.

यावेळी काँग्रेसचे माजी नगराध्यक्ष जयराम पाटील, सुरेश कांबळे, राजमहंमद बागवान, शहराध्यक्ष विजय पाटील, रामभाऊ मोहिते, अजहर तहसीलदार, कुदरत भुसारी, सचिन मोहिते, गजानन कोळी, अखिल गोलंदाज यांच्यासह कार्यकर्त्यांनी शहरातून दुचाकी रॅली काढून आनंदोत्सव साजरा केला.

हेही वाचा 

कोल्हापूर व हातकणंगले लोकसभेच्या युवासेना अध्यक्ष पदावर ऋतुराज क्षीरसागर यांची नियुक्ती

कोल्हापूर : विजेच्या धक्क्याने सावर्डे पाटणकर येथील युवकाचा पुण्यात मृत्यू

कोल्हापूर : पंचगंगा स्मशानभूमीत आता दुसर्‍याच दिवशी रक्षाविसर्जन