कोल्हापूर : शॉर्टसर्किटमुळे धावत्या ट्रकने घेतला पेट
कागल, पुढारी वृत्तसेवा : एसीचे शॉर्टसर्किट झाल्यामुळे धावत्या ट्रकने पेट घेतल्याची कागल येथील राष्ट्रीय महामार्गाव घडली. ही घटना गुरुवारी (दि.९) सायंकाळी साडेसहाच्या सुमारास घडली. या घटनेमुळे महामार्गावर भीतीचे वातावरण होते. ट्रकला लागलेल्या आगीत ट्रकचे केबिन जळून खाक झाले असून कोणतीही जिवीत हानी झाली नाही.
याबाबत अधिकची माहिती अशी की, १८ टन सफरचंद घेऊन ट्रक मुंबईहून बेंगलोरकडे निघाला होता. दरम्यान हा ट्रक कागल येथील राष्ट्रीय महामार्गावर आला असता ट्रकच्या एसीला झालेल्या शॉर्टसर्किटमुळे अचानक पेट घेतला. यामध्ये ट्रकचे संपूर्ण केबिन जळून खाक झाले. ट्रक जळत असताना आगीचे लोट निर्माण झाल्यामुळे महामार्गावर येणाऱ्या प्रवाशांमध्ये भीतीचे वातावरण निर्माण झाले होते. कागल नगरपालिकेच्या अग्निशामक दलाच्या जवानाने आग आटोक्यात आणली.
हेही वाचंलत का?
- Greenfield Airport : चार वर्षात ९ ग्रीनफिल्ड विमानतळ कार्यान्वित; केंद्र सरकारची लोकसभेत माहिती
- Mohammed Shami : मोहम्मद शमीचा भेदक मारा, वॉर्नरची दांडी गुल (VIDEO)
