कोल्हापूर : गणेश आगमनादिवशी रात्री बारापर्यंत ध्वनिक्षेपक व ध्वनीवर्धक वापरण्यास परवानगी

कोल्हापूर : पुढारी वृत्तसेवा : गणेश आगमनादिवशी सकाळी सहा ते रात्री बारा वाजेपर्यंत ध्वनिक्षेपक व ध्वनीवर्धक यंत्रणा वापरण्यास जिल्हाधिकारी राहुल रेखावार यांनी परवानगी दिली आहे.

वर्षभरात ध्वनिक्षेपक व ध्वनी वर्धक यंत्रणा आवाजाच्या विहित मर्यादित वापरण्यासाठीचे 14 दिवस यापूर्वीच निश्चित केलेले आहेत. जिल्हाधिकारी राहुल रेखावार यांनी  महत्त्वाच्या सणानिमित्‍त ध्वनिक्षेपक व ध्वनीवर्धक यंत्रणा वापरण्यासाठी एक दिवस राखून ठेवला होता. त्यानुसार  बुधवारी ( दि.३१)  गणेश आगमनासाठी ही सवलत देण्यात आल्‍याचे त्‍यांनी सांगितले.

हेही वाचा

• कोल्हापूर : मंत्री चंद्रकांत पाटील आणि जिल्हाधिकारी राहुल रेखावार यांच्यासमोर तरूणाचा आत्मदहनाचा प्रयत्न  
• जळगाव : गिरीश महाजनांना धक्का! दूध संघातील प्रशासक मंडळ अवैध असल्याचा न्यायालयाचा निर्णय 
• नाशिक: गणेशोत्सवाबरोबराच उद्यापासून जैन धर्मियांच्या पर्युषण पर्वास प्रारंभ