कोल्हापूर : पुढारी वृत्तसेवा : कोल्हापूर रेल्वेचे प्रलंबित प्रश्न लवकरच मार्गी लागतील, असे पालकमंत्री सतेज पाटील यांनी सांगितले. पाटील यांच्या अध्यक्षतेखाली मुंबईत रेल्वे अधिकार्यांची बुधवारी बैठक झाली. यावेळी मध्य रेल्वेचे महाव्यवस्थापक अनिलकुमार लाहोटी उपस्थित
होते.
बैठकीत प्रारंभी मध्यवर्ती बसस्थानक आणि राजारामपुरी परिसराला जोडणार्या प्रस्तावित रेल्वे ओव्हर ब—ीजचे नियोजन कसे करता येईल, प्लॅटफॉर्म क्रमांक 4, 5, 6 विस्तारीकरण, फ्लॅटफॉर्मची लांबी आणि विद्युतीकरणाचा विस्तार तसेच परीख पुलाबाबत चर्चा करण्यात आली.
पालकमंत्री म्हणाले, कोल्हापूर – पुणे, कोल्हापूर-सातारा, कोल्हापूर – मिरज दरम्यान डेम्यू गाड्या सुरू करा. कोल्हापूर-पुणे दरम्यान दुहेरीकरणाचे काम आणि विद्युतीकरणाला गती द्या. कोल्हापूर शहर हे उद्योग आणि व्यवसायाच्या द़ृष्टीने राज्यातील एक प्रगत शहर आहे. तसेच महालक्ष्मी मंदिर देवस्थान येथे अंबाबाईदेवीचे दर्शन घेण्यासाठी देशभरातून भाविक येत असतात. या बाबींची दखल घेऊन महालक्ष्मी एक्स्प्रेसमध्ये आणखी एक एसी डबा जोडा.
कोल्हापूर-अमृतसर, कोल्हापूर -गुवाहाटी, कोल्हापूर-जयपूर, कोल्हापूर-कलबुर्गी दरम्यान नवीन गाड्यांची तरतूद करण्यासोबतच सह्याद्री एक्स्प्रेस, कोल्हापूर- सोलापूर, कोल्हापूर-हैदराबाद, कोल्हापूर-बिदर या स्थगित गाड्यांची सेवा पूर्ववत सुरू करा, असेही त्यांनी सांगितले. या सर्व प्रश्नांवर सकारात्मक निर्णय घेऊ, असे लाहोटी यांनी सांगितले. बैठकीस मध्य रेल्वेचे उपमहाव्यवस्थापक दिव्यकांत चंद्राकर व संबंधित अधिकारी उपस्थित होते.
