सावंतवाडी : नारळी पौर्णिमेनिमित्त दरवर्षीप्रमाणे येथील संस्थानकालीन मोती तलावात सावंतवाडीकरांकडून भक्तिभावाने नारळ अर्पण करण्यात आला. शेकडोंच्या उपस्थितीत हा नारळी पौर्णिमा सण मोठ्या उत्साहात साजरा करण्यात आला. सावंतवाडी संस्थानचे राजेसाहेब खेमसावंत भोसले व पोलिस निरीक्षक अमोल चव्हाण यांच्या हस्ते मानाचा सुवर्ण नारळाचे पूजन करून तलावात त्याचे अर्पण करण्यात आले.
पूजनानंतर मोती तलावात मानाचा नारळ अर्पण करण्यात आला. तत्पूर्वी सावंतवाडी पोलिसांकडून मानाच्या श्रीफळाची शहरातून मिरवणूक काढण्यात आली. ही मिरवणूक वाजतगाजत मोती तलाव काठावर आल्यानंतर सावंतवाडी संस्थानच्या व मानाच्या नारळाची पूजा करण्यात आली. राजेसाहेब खेमसावंत भोसले व पोलिस निरीक्षक श्री. चव्हाण यांच्या हस्ते पूजा,आरती करण्यात आली. त्यानंतर सोन्याचा नारळ मोती तलावात अर्पण करण्यात आला. यानंतर उपस्थित सावंतवाडीकरांनी तलावात नारळ अर्पण केले. यानिमित्त मोती तलावाभोवती मोठी गर्दी पाहायला मिळाली.
सावंतवाडी संस्थानचे राजे खेमसावंत भोसले, पोलिस निरीक्षक अमोल चव्हाण, माजी नगरसेवक सुरेंद्र बांदेकर, दिलीप भालेकर, परिक्षीत मांजरेकर, मोरेश्वर पोतनीस, सुंदर गावडे, शैलेश मेस्त्री, काका मांजरेकर, कृष्णा राऊळ, सेवानिवृत्त पोलिस उपनिरीक्षक लक्ष्मण गवस, सहा. पोलिस निरीक्षक श्री. खंदरकर, हवालदार महेश जाधव, अमित राऊळ, पुंडलिक सावंत, पोलिस कॉन्स्टेबल श्री. कोरगावकर, महिला पोलिस हवालदार श्रीम पवार, पोलिस हवालदार श्री. राऊत, राजा राणे, सचिन कुलकर्णी आदींसह नागरिक उपस्थित होते.
